Sabtu, 12 November 2011
“Keutamaan Dzikir"
السلام عليكم ورحمة الله وبركاته.
اَلْحَمْدُ لِلهِ الَّذِيْ هَدَانَا لِهَذَا وَمَا كُنَّا لِنَهْتَدِيَ لَوْلَا أَنْ هَدَانَ اللهُ ، مَنْ ىيَهْدِ اللهُ فَلَا مُضِلَّ لَهُ وَمَنْ يُضْلِلْهُ فَلَا هَادِيَ لَهُ. اَشْهَدُ أَنْ لَا اِلَهَ إلَّااللهُ وَاَشْهَدُ أَنَّ مُحَمَّدًاعَبْدُهُ وَرَسُوْلُهُ .
Alhamdulillaahilladzii hadaanaa lihaadzaa wamaa kunnaa linahtadiya laulaa an hadaana Allah, man yahdillaahu falaa mudhillalah waman yudhlilhu falaa haadiyalah. Asyhadu allaa ilaaha Illallah wasyhadu anna Muhammadan abduhu warasuuluh.
Amma bakdu, qola Allahu ta’ala fil quranil kariim a’udubillahi minasyaithoonirrojiim bismillahirrahmaanirrahiem. (QS. Ali Imran(3) :190-191)
190. Saktemene tumitahing langit lan bumi, lan gumantine rino lan wengi iku pinongko tondo kanggo wong kang duweni akal.
191. Yoiku wong-wong kang tansah eling maring Allah karo ngadek utowo lungguh utowo teturon, lan deweke mikirake babagan tumitahing langit lan bumi, banjur ngendiko : “Ya Allah panjenengan mboten sio-sio nitahaken puniko, Panjenengan moho suci, milo Panjenengan jogo kito saking sikso neroko.
Jama’ah shalat Isya’ lan Taruwih ingkang dipun muliaken Allah, monggo kito tansah ngaturaken roso syukur dumateng Allah SWT, ingkang sampun paring Rahmad lan Hidayah damateng kito, sahinggo kito sakpuniko saget nglaksanaken perintahi-Pun inggih puniko sholat jama’ah.
Jama’ah shalat Isya’ lan Taruwih ingkang dipun muliaken Allah, ing dalu puniko kulo bade njelasaken babagan “Fadhilah utawi Keutamaan Dzikir"
Bilih dzikir ingkang artosipun Eling saestu kalembet perintahipun Allah lan rasulullah Muhammad SAW, lan tiyang ingkang tansah dzikir wonten sakdengah kahanan, wonten sarat Ali Imron ayat 191 kasebut Ulil Albab utawi Tiyang-tiyang ingkang purun mikir.
Bilih Fadhilah2 utawi keutamaan2 dzikir ingkang katah dipun sebat wonten Al-Qur’an lan Hadist antawisipun :
1. Nentremaken manah/ati.
Jama’ah shalat Isya’ lan Taruwih ingkang dipun muliaken Allah, bilih estunipun tiang rino-wengi tansah mbudidoyo bondo, pangkat lan sanesipun puniko supados tentrem gesangipun. Lan Allah ugi rasulipun Muhammad SAW sampun maringi resep bilih kanti nyebut naminipun Allah, kanti waosan Subhana Allah, Alhamdulillah, Walaa ilaaha illa Allah, Allahu Akbar utawi waosan sanesipun, Insya Allah manah kito bade ayem, tentrem. Allah paring dawuh wonten QS. Ar-Ro’du (13): 28).
28. (Yoiku) wong-wong kang podo Iman lan atine tentrem kanti eling maring Allah, elingo yen kanti eling maring Allah iku ati dadi tentrem.
2. Penangkal saking godaan Syetan.
Jama’ah shalat Isya’ lan Taruwih ingkang dipun muliaken Allah, bilih nenek moyang kito Nabi Adam AS lan Mbah Hawa tergelincir utawi medal saking Surga amargi polah-tingkahipun Syetan lan syetan janji bade terus nggodo anak turunipun Adam termasuk kito sedoyo. (kados kasebat wonten QS Al-Baqarah (2) ayat 36).Lan kangge nangkal godaan syetan puniko kanti dzikir. Allah paring dawuh wonten QS Kha Mim As-Sajdah/Fushilat (41 ) ayat 36).
36. Lan yen Syetan ngganggu sliramu kanti sawijineng gangguan, mongko podo nyuwuno karekso maring Allah, saktemene Allah moho midanget lan ngerteni.
3. Memenuhi/ngebai timbangan kesaenan wonten akherat.
Jama’ah shalat Isya’ lan Taruwih ingkang dipun muliaken Allah, bilih sedanten amal utawi muna-muni, tindak-tanduk kito wonten ing alam donyo sakpuniko dipun catat dining malaikat Rikib lan Atid lan mboten wonten ingkang kecer/kliwatan saklajengipun bade pun laporaken wonten ngarsanipun Allah SWT kados kasebat wonten QS. Zilzal/Zalzalah (99) ayat 6-8
6. Ono ing dino iku menungso podo metu soko kuburane ono kahanan sambarang dengah, supoyo didudohke maring deweke (balesan) pakaryane.
7. Sopo pawongan kang duwe pakaryan becik sak abote wiji sawi (dzarrah), deweke bakal nonton balesane.
8. Lan sopo pawongan kang tumindak olo sak abote wiji sawi (dzarrah), deweke bakal nonton balesane.
Milo saking puniko, supados amal kesaenan kito katah/langkung abot timbanganipun, monggo kito katah-katah dzikir kados dene ingkang dipun Sabdaaken Rasulullah Muhammad SAW ingkang artosipun “Ucapan Alhamdulillah ngebai timbangan lan ucapan Subhana Allah wal Hamdulillah loro-lorone ngebai langit lan bumi”. (Hadist riwayat Muslim soko Abu Malik Al-Asy’ari).
4.Dipun remeni dening Allah.
Jama’ah shalat Isya’ lan Taruwih ingkang dipun muliaken Allah, bilih Allah sanget remen dumateng mahkluqipun ingkang tansah eling lan nyebat asmani-Pun utawi dzikir. Kados kasebat wonten QS. Al-Baqarah (2) ayat 152.
152. Mulo soko iku, siro podo elingo maring Aku (Allah), mongko Aku (Allah) bakal eling maring siro, lan podo syukuro maring-Ku (Allah) lan ojo podo ngingkari (nikmat)-Ku.
lan sabdanipun Rasulullah Muhammad SAW, ingkang artosipun: “Ono rong kalimat kang enteng tumrap lisan, abot timbangane lan disenengi dining Arrahmaan yoiku Subhanallah wabihamdih , subhanallahil ‘adziim”.
5. Ngguguraken doso2.
Jama’ah shalat Isya’ lan Taruwih ingkang dipun muliaken Allah, bilih tiyang gesang wonten alam donyo puniko mboten uwal saking salah lan lali, lan saking kesalahan2 puniko munculaken doso2 , lan Insya Allah kanti katah dzikir dosa lan kesalahan kito bade dipun ampuni dening Allah lan dados gugur. Kados kasebat wonten hadist Riwayat Bukhori-Muslim saking Abu Hurairah, ingkang artosipun :Rosulullah bersabda: Sopo wong kang moco Subhanallahi wabihamdihi ping satus (100x) saben dinane, bakan kagugurake dosa2ne sanajan okehe koyo untuk(buih) ono ing laut”.
6. Allah bade nambah rizki lan keturunan.
Jama’ah shalat Isya’ lan Taruwih ingkang dipun muliaken Allah, menawi dipun tari saestu meh saben tiyang pingin rizkinipun lanca, katah-melimpah lan nggadahi putro-putri ingkang elok ing samudayanipun ugi sholeh lan sholihah. Inggih nopo inggih? Milo saking puniko monggo kito ngatah-ngatahaken dzikir Insya-Allah rizki kito bakal katah lan nggadahi dhurriyah utawi keturunan ingkang shaleh lan shalihah. Allah paring dawuh wonten QS. Nuh ( 71) ayat : 10-12:
10. Mongko Ingsun (Nuh) paring dawuh maring kaume :”podo njalukko pangapuro maring Allah, saktemene Allah moho menehi pangapuro.
11. Allah bakal ngirimake udan kang deres.
12. Lan ngokehke bondo lan anak-anak-mu, ngenekake kebon2 lan kali2.
Jama’ah shalat Isya’ lan Taruwih ingkang dipun muliaken Allah, mekaten ingkang saget kulo aturaken mugi mbeto manfaat tumrap kulo panjenengan sami, mbok menawi anggen kulo matur kirang mranani kulo nyuwun pangapunten, lan mugi Allah tansah paring piteddah dumateng kito. Amiin.
بالله التوفق والهداية ورضى والعناية والسلام عليكم ورحمة الله وبركاته.
